8.1 אָז יַקְהֵל שְׁלֹמֹה אֶת־זִקְנֵי יִשְׂרָאֵל אֶת־כָּל־רָאשֵׁי הַמַּטֹּות נְשִׂיאֵי הָאָבֹות לִבְנֵי יִשְׂרָאֵל אֶל־הַמֶּלֶךְ שְׁלֹמֹה יְרוּשָׁלִָם לְהַעֲלֹות אֶת־אֲרֹון בְּרִית־יְהוָה מֵעִיר דָּוִד הִיא צִיֹּון׃
8.2 וַיִּקָּהֲלוּ אֶל־הַמֶּלֶךְ שְׁלֹמֹה כָּל־אִישׁ יִשְׂרָאֵל בְּיֶרַח הָאֵתָנִים בֶּחָג הוּא הַחֹדֶשׁ הַשְּׁבִיעִי׃
8.3 וַיָּבֹאוּ כֹּל זִקְנֵי יִשְׂרָאֵל וַיִּשְׂאוּ הַכֹּהֲנִים אֶת־הָאָרֹון׃
8.4 וַיַּעֲלוּ אֶת־אֲרֹון יְהוָה וְאֶת־אֹהֶל מֹועֵד וְאֶת־כָּל־כְּלֵי הַקֹּדֶשׁ אֲשֶׁר בָּאֹהֶל וַיַּעֲלוּ אֹתָם הַכֹּהֲנִים וְהַלְוִיִּם׃
8.5 וְהַמֶּלֶךְ שְׁלֹמֹה וְכָל־עֲדַת יִשְׂרָאֵל הַנֹּועָדִים עָלָיו אִתֹּו לִפְנֵי הָאָרֹון מְזַבְּחִים צֹאן וּבָקָר אֲשֶׁר לֹא־יִסָּפְרוּ וְלֹא יִמָּנוּ מֵרֹב׃
8.6 וַיָּבִאוּ הַכֹּהֲנִים אֶת־אֲרֹון בְּרִית־יְהוָה אֶל־מְקֹומֹו אֶל־דְּבִיר הַבַּיִת אֶל־קֹדֶשׁ הַקֳּדָשִׁים אֶל־תַּחַת כַּנְפֵי הַכְּרוּבִים׃
8.7 כִּי הַכְּרוּבִים פֹּרְשִׂים כְּנָפַיִם אֶל־מְקֹום הָאָרֹון וַיָּסֹכּוּ הַכְּרֻבִים עַל־הָאָרֹון וְעַל־בַּדָּיו מִלְמָעְלָה׃
8.8 וַיַּאֲרִכוּ הַבַּדִּים וַיֵּרָאוּ רָאשֵׁי הַבַּדִּים מִן־הַקֹּדֶשׁ עַל־פְּנֵי הַדְּבִיר וְלֹא יֵרָאוּ הַחוּצָה וַיִּהְיוּ שָׁם עַד הַיֹּום הַזֶּה׃
8.9 אֵין בָּאָרֹון רַק שְׁנֵי לֻחֹות הָאֲבָנִים אֲשֶׁר הִנִּחַ שָׁם מֹשֶׁה בְּחֹרֵב אֲשֶׁר כָּרַת יְהוָה עִם־בְּנֵי יִשְׂרָאֵל בְּצֵאתָם מֵאֶרֶץ מִצְרָיִם׃
8.10 וַיְהִי בְּצֵאת הַכֹּהֲנִים מִן־הַקֹּדֶשׁ וְהֶעָנָן מָלֵא אֶת־בֵּית יְהוָה׃
8.11 וְלֹא־יָכְלוּ הַכֹּהֲנִים לַעֲמֹד לְשָׁרֵת מִפְּנֵי הֶעָנָן כִּי־מָלֵא כְבֹוד־יְהוָה אֶת־בֵּית יְהוָה׃ פ
8.12 אָז אָמַר שְׁלֹמֹה יְהוָה אָמַר לִשְׁכֹּן בָּעֲרָפֶל׃
8.13 בָּנֹה בָנִיתִי בֵּית זְבֻל לָךְ מָכֹון לְשִׁבְתְּךָ עֹולָמִים׃
8.14 וַיַּסֵּב הַמֶּלֶךְ אֶת־פָּנָיו וַיְבָרֶךְ אֵת כָּל־קְהַל יִשְׂרָאֵל וְכָל־קְהַל יִשְׂרָאֵל עֹמֵד׃
8.15 וַיֹּאמֶר בָּרוּךְ יְהוָה אֱלֹהֵי יִשְׂרָאֵל אֲשֶׁר דִּבֶּר בְּפִיו אֵת דָּוִד אָבִי וּבְיָדֹו מִלֵּא לֵאמֹר׃
8.16 מִן־הַיֹּום אֲשֶׁר הֹוצֵאתִי אֶת־עַמִּי אֶת־יִשְׂרָאֵל מִמִּצְרַיִם לֹא־בָחַרְתִּי בְעִיר מִכֹּל שִׁבְטֵי יִשְׂרָאֵל לִבְנֹות בַּיִת לִהְיֹות שְׁמִי שָׁם וָאֶבְחַר בְּדָוִד לִהְיֹות עַל־עַמִּי יִשְׂרָאֵל׃
8.17 וַיְהִי עִם־לְבַב דָּוִד אָבִי לִבְנֹות בַּיִת לְשֵׁם יְהוָה אֱלֹהֵי יִשְׂרָאֵל׃
8.18 וַיֹּאמֶר יְהוָה אֶל־דָּוִד אָבִי יַעַן אֲשֶׁר הָיָה עִם־לְבָבְךָ לִבְנֹות בַּיִת לִשְׁמִי הֱטִיבֹתָ כִּי הָיָה עִם־לְבָבֶךָ׃
8.19 רַק אַתָּה לֹא תִבְנֶה הַבָּיִת כִּי אִם־בִּנְךָ הַיֹּצֵא מֵחֲלָצֶיךָ הוּא־יִבְנֶה הַבַּיִת לִשְׁמִי׃
8.20 וַיָּקֶם יְהוָה אֶת־דְּבָרֹו אֲשֶׁר דִּבֵּר וָאָקֻם תַּחַת דָּוִד אָבִי וָאֵשֵׁב עַל־כִּסֵּא יִשְׂרָאֵל כַּאֲשֶׁר דִּבֶּר יְהוָה וָאֶבְנֶה הַבַּיִת לְשֵׁם יְהוָה אֱלֹהֵי יִשְׂרָאֵל׃
8.21 וָאָשִׂם שָׁם מָקֹום לָאָרֹון אֲשֶׁר־שָׁם בְּרִית יְהוָה אֲשֶׁר כָּרַת עִם־אֲבֹתֵינוּ בְּהֹוצִיאֹו אֹתָם מֵאֶרֶץ מִצְרָיִם׃ ס
8.22 וַיַּעֲמֹד שְׁלֹמֹה לִפְנֵי מִזְבַּח יְהוָה נֶגֶד כָּל־קְהַל יִשְׂרָאֵל וַיִּפְרֹשׂ כַּפָּיו הַשָּׁמָיִם׃
8.23 וַיֹּאמַר יְהוָה אֱלֹהֵי יִשְׂרָאֵל אֵין־כָּמֹוךָ אֱלֹהִים בַּשָּׁמַיִם מִמַּעַל וְעַל־הָאָרֶץ מִתָּחַת שֹׁמֵר הַבְּרִית וְהַחֶסֶד לַעֲבָדֶיךָ הַהֹלְכִים לְפָנֶיךָ בְּכָל־לִבָּם׃
8.24 אֲשֶׁר שָׁמַרְתָּ לְעַבְדְּךָ דָּוִד אָבִי אֵת אֲשֶׁר־דִּבַּרְתָּ לֹו וַתְּדַבֵּר בְּפִיךָ וּבְיָדְךָ מִלֵּאתָ כַּיֹּום הַזֶּה׃
8.25 וְעַתָּה יְהוָה ׀ אֱלֹהֵי יִשְׂרָאֵל מֹר לְעַבְדְּךָ דָוִד אָבִי אֵת אֲשֶׁר דִּבַּרְתָּ לֹּו לֵאמֹר לֹא־יִכָּרֵת לְךָ אִישׁ מִלְּפָנַי יֹשֵׁב עַל־כִּסֵּא יִשְׂרָאֵל רַק אִם־יִשְׁמְרוּ בָנֶיךָ אֶת־דַּרְכָּם לָלֶכֶת לְפָנַי כַּאֲשֶׁר הָלַכְתָּ לְפָנָי׃
8.26 וְעַתָּה אֱלֹהֵי יִשְׂרָאֵל יֵאָמֶן נָא [דְּבָרֶיךָ כ] (דְּבָרְךָ ק) אֲשֶׁר דִּבַּרְתָּ לְעַבְדְּךָ דָּוִד אָבִי׃
8.27 כִּי הַאֻמְנָם יֵשֵׁב אֱלֹהִים עַל־הָאָרֶץ הִנֵּה הַשָּׁמַיִם וּשְׁמֵי הַשָּׁמַיִם לֹא יְכַלְכְּלוּךָ אַף כִּי־הַבַּיִת הַזֶּה אֲשֶׁר בָּנִיתִי׃
8.28 וּפָנִיתָ אֶל־תְּפִלַּת עַבְדְּךָ וְאֶל־תְּחִנָּתֹו יְהוָה אֱלֹהָי לִשְׁמֹעַ אֶל־הָרִנָּה וְאֶל־הַתְּפִלָּה אֲשֶׁר עַבְדְּךָ מִתְפַּלֵּל לְפָנֶיךָ הַיֹּום׃
8.29 לִהְיֹות עֵינֶךָ פְתֻחֹות אֶל־הַבַּיִת הַזֶּה לַיְלָה וָיֹום אֶל־הַמָּקֹום אֲשֶׁר אָמַרְתָּ יִהְיֶה שְׁמִי שָׁם לִשְׁמֹעַ אֶל־הַתְּפִלָּה אֲשֶׁר יִתְפַּלֵּל עַבְדְּךָ אֶל־הַמָּקֹום הַזֶּה׃
8.30 וְשָׁמַעְתָּ אֶל־תְּחִנַּת עַבְדְּךָ וְעַמְּךָ יִשְׂרָאֵל אֲשֶׁר יִתְפַּלְלוּ אֶל־הַמָּקֹום הַזֶּה וְאַתָּה תִּשְׁמַע אֶל־מְקֹום שִׁבְתְּךָ אֶל־הַשָּׁמַיִם וְשָׁמַעְתָּ וְסָלָחְתָּ׃
8.31 אֵת אֲשֶׁר יֶחֱטָא אִישׁ לְרֵעֵהוּ וְנָשָׁא־בֹו אָלָה לְהַאֲלֹתֹו וּבָא אָלָה לִפְנֵי מִזְבַּחֲךָ בַּבַּיִת הַזֶּה׃
8.32 וְאַתָּה ׀ תִּשְׁמַע הַשָּׁמַיִם וְעָשִׂיתָ וְשָׁפַטְתָּ אֶת־עֲבָדֶיךָ לְהַרְשִׁיעַ רָשָׁע לָתֵת דַּרְכֹּו בְּרֹאשֹׁו וּלְהַצְדִּיק צַדִּיק לָתֶת לֹו כְּצִדְקָתֹו׃ ס
8.33 בְּהִנָּגֵף עַמְּךָ יִשְׂרָאֵל לִפְנֵי אֹויֵב אֲשֶׁר יֶחֶטְאוּ־לָךְ וְשָׁבוּ אֵלֶיךָ וְהֹודוּ אֶת־שְׁמֶךָ וְהִתְפַּלְלוּ וְהִתְחַנְּנוּ אֵלֶיךָ בַּבַּיִת הַזֶּה׃
8.34 וְאַתָּה תִּשְׁמַע הַשָּׁמַיִם וְסָלַחְתָּ לְחַטַּאת עַמְּךָ יִשְׂרָאֵל וַהֲשֵׁבֹתָם אֶל־הָאֲדָמָה אֲשֶׁר נָתַתָּ לַאֲבֹותָם׃ ס
8.35 בְּהֵעָצֵר שָׁמַיִם וְלֹא־יִהְיֶה מָטָר כִּי יֶחֶטְאוּ־לָךְ וְהִתְפַּלְלוּ אֶל־הַמָּקֹום הַזֶּה וְהֹודוּ אֶת־שְׁמֶךָ וּמֵחַטָּאתָם יְשׁוּבוּן כִּי תַעֲנֵם׃
8.36 וְאַתָּה ׀ תִּשְׁמַע הַשָּׁמַיִם וְסָלַחְתָּ לְחַטַּאת עֲבָדֶיךָ וְעַמְּךָ יִשְׂרָאֵל כִּי תֹורֵם אֶת־הַדֶּרֶךְ הַטֹּובָה אֲשֶׁר יֵלְכוּ־בָהּ וְנָתַתָּה מָטָר עַל־אַרְצְךָ אֲשֶׁר־נָתַתָּה לְעַמְּךָ לְנַחֲלָה׃ ס
8.37 רָעָב כִּי־יִהְיֶה בָאָרֶץ דֶּבֶר כִּי־יִהְיֶה שִׁדָּפֹון יֵרָקֹון אַרְבֶּה חָסִיל כִּי יִהְיֶה כִּי יָצַר־לֹו אֹיְבֹו בְּאֶרֶץ שְׁעָרָיו כָּל־נֶגַע כָּל־מַחֲלָה׃
8.38 כָּל־תְּפִלָּה כָל־תְּחִנָּה אֲשֶׁר תִהְיֶה לְכָל־הָאָדָם לְכֹל עַמְּךָ יִשְׂרָאֵל אֲשֶׁר יֵדְעוּן אִישׁ נֶגַע לְבָבֹו וּפָרַשׂ כַּפָּיו אֶל־הַבַּיִת הַזֶּה׃
8.39 וְאַתָּה תִּשְׁמַע הַשָּׁמַיִם מְכֹון שִׁבְתֶּךָ וְסָלַחְתָּ וְעָשִׂיתָ וְנָתַתָּ לָאִישׁ כְּכָל־דְּרָכָיו אֲשֶׁר תֵּדַע אֶת־לְבָבֹו כִּי־אַתָּה יָדַעְתָּ לְבַדְּךָ אֶת־לְבַב כָּל־בְּנֵי הָאָדָם׃
8.40 לְמַעַן יִרָאוּךָ כָּל־הַיָּמִים אֲשֶׁר־הֵם חַיִּים עַל־פְּנֵי הָאֲדָמָה אֲשֶׁר נָתַתָּה לַאֲבֹתֵינוּ׃
8.41 וְגַם אֶל־הַנָּכְרִי אֲשֶׁר לֹא־מֵעַמְּךָ יִשְׂרָאֵל הוּא וּבָא מֵאֶרֶץ רְחֹוקָה לְמַעַן שְׁמֶךָ׃
8.42 כִּי יִשְׁמְעוּן אֶת־שִׁמְךָ הַגָּדֹול וְאֶת־יָדְךָ הַחֲזָקָה וּזְרֹעֲךָ הַנְּטוּיָה וּבָא וְהִתְפַּלֵּל אֶל־הַבַּיִת הַזֶּה׃
8.43 אַתָּה תִּשְׁמַע הַשָּׁמַיִם מְכֹון שִׁבְתֶּךָ וְעָשִׂיתָ כְּכֹל אֲשֶׁר־יִקְרָא אֵלֶיךָ הַנָּכְרִי לְמַעַן יֵדְעוּן כָּל־עַמֵּי הָאָרֶץ אֶת־שְׁמֶךָ לְיִרְאָה אֹתְךָ כְּעַמְּךָ יִשְׂרָאֵל וְלָדַעַת כִּי־שִׁמְךָ נִקְרָא עַל־הַבַּיִת הַזֶּה אֲשֶׁר בָּנִיתִי׃
8.44 כִּי־יֵצֵא עַמְּךָ לַמִּלְחָמָה עַל־אֹיְבֹו בַּדֶּרֶךְ אֲשֶׁר תִּשְׁלָחֵם וְהִתְפַּלְלוּ אֶל־יְהוָה דֶּרֶךְ הָעִיר אֲשֶׁר בָּחַרְתָּ בָּהּ וְהַבַּיִת אֲשֶׁר־בָּנִתִי לִשְׁמֶךָ׃
8.45 וְשָׁמַעְתָּ הַשָּׁמַיִם אֶת־תְּפִלָּתָם וְאֶת־תְּחִנָּתָם וְעָשִׂיתָ מִשְׁפָּטָם׃
8.46 כִּי יֶחֶטְאוּ־לָךְ כִּי אֵין אָדָם אֲשֶׁר לֹא־יֶחֱטָא וְאָנַפְתָּ בָם וּנְתַתָּם לִפְנֵי אֹויֵב וְשָׁבוּם שֹׁבֵיהֶם אֶל־אֶרֶץ הָאֹויֵב רְחֹוקָה אֹו קְרֹובָה׃
8.47 וְהֵשִׁיבוּ אֶל־לִבָּם בָּאָרֶץ אֲשֶׁר נִשְׁבּוּ־שָׁם וְשָׁבוּ ׀ וְהִתְחַנְּנוּ אֵלֶיךָ בְּאֶרֶץ שֹׁבֵיהֶם לֵאמֹר חָטָאנוּ וְהֶעֱוִינוּ רָשָׁעְנוּ׃
8.48 וְשָׁבוּ אֵלֶיךָ בְּכָל־לְבָבָם וּבְכָל־נַפְשָׁם בְּאֶרֶץ אֹיְבֵיהֶם אֲשֶׁר־שָׁבוּ אֹתָם וְהִתְפַּלְלוּ אֵלֶיךָ דֶּרֶךְ אַרְצָם אֲשֶׁר נָתַתָּה לַאֲבֹותָם הָעִיר אֲשֶׁר בָּחַרְתָּ וְהַבַּיִת אֲשֶׁר־ [בָּנִיתָ כ] (בָּנִיתִי ק) לִשְׁמֶךָ׃
8.49 וְשָׁמַעְתָּ הַשָּׁמַיִם מְכֹון שִׁבְתְּךָ אֶת־תְּפִלָּתָם וְאֶת־תְּחִנָּתָם וְעָשִׂיתָ מִשְׁפָּטָם׃
8.50 וְסָלַחְתָּ לְעַמְּךָ אֲשֶׁר חָטְאוּ־לָךְ וּלְכָל־פִּשְׁעֵיהֶם אֲשֶׁר פָּשְׁעוּ־בָךְ וּנְתַתָּם לְרַחֲמִים לִפְנֵי שֹׁבֵיהֶם וְרִחֲמוּם׃
8.51 כִּי־עַמְּךָ וְנַחֲלָתְךָ הֵם אֲשֶׁר הֹוצֵאתָ מִמִּצְרַיִם מִתֹּוךְ כּוּר הַבַּרְזֶל׃
8.52 לִהְיֹות עֵינֶיךָ פְתֻחֹות אֶל־תְּחִנַּת עַבְדְּךָ וְאֶל־תְּחִנַּת עַמְּךָ יִשְׂרָאֵל לִשְׁמֹעַ אֲלֵיהֶם בְּכֹל קָרְאָם אֵלֶיךָ׃
8.53 כִּי־אַתָּה הִבְדַּלְתָּם לְךָ לְנַחֲלָה מִכֹּל עַמֵּי הָאָרֶץ כַּאֲשֶׁר דִּבַּרְתָּ בְּיַד ׀ מֹשֶׁה עַבְדֶּךָ בְּהֹוצִיאֲךָ אֶת־אֲבֹתֵינוּ מִמִּצְרַיִם אֲדֹנָי יְהוִה׃ פ
8.54 וַיְהִי ׀ כְּכַלֹּות שְׁלֹמֹה לְהִתְפַּלֵּל אֶל־יְהוָה אֵת כָּל־הַתְּפִלָּה וְהַתְּחִנָּה הַזֹּאת קָם מִלִּפְנֵי מִזְבַּח יְהוָה מִכְּרֹעַ עַל־בִּרְכָּיו וְכַפָּיו פְּרֻשֹׂות הַשָּׁמָיִם׃
8.55 וַיַּעְמֹד וַיְבָרֶךְ אֵת כָּל־קְהַל יִשְׂרָאֵל קֹול גָּדֹול לֵאמֹר׃
8.56 בָּרוּךְ יְהוָה אֲשֶׁר נָתַן מְנוּחָה לְעַמֹּו יִשְׂרָאֵל כְּכֹל אֲשֶׁר דִּבֵּר לֹא־נָפַל דָּבָר אֶחָד מִכֹּל דְּבָרֹו הַטֹּוב אֲשֶׁר דִּבֶּר בְּיַד מֹשֶׁה עַבְדֹּו׃
8.57 יְהִי יְהוָה אֱלֹהֵינוּ עִמָּנוּ כַּאֲשֶׁר הָיָה עִם־אֲבֹתֵינוּ אַל־יַעַזְבֵנוּ וְאַל־יִטְּשֵׁנוּ׃
8.58 לְהַטֹּות לְבָבֵנוּ אֵלָיו לָלֶכֶת בְּכָל־דְּרָכָיו וְלִשְׁמֹר מִצְוֹתָיו וְחֻקָּיו וּמִשְׁפָּטָיו אֲשֶׁר צִוָּה אֶת־אֲבֹתֵינוּ׃
8.59 וְיִהְיוּ דְבָרַי אֵלֶּה אֲשֶׁר הִתְחַנַּנְתִּי לִפְנֵי יְהוָה קְרֹבִים אֶל־יְהוָה אֱלֹהֵינוּ יֹומָם וָלָיְלָה לַעֲשֹׂות ׀ מִשְׁפַּט עַבְדֹּו וּמִשְׁפַּט עַמֹּו יִשְׂרָאֵל דְּבַר־יֹום בְּיֹומֹו׃
8.60 לְמַעַן דַּעַת כָּל־עַמֵּי הָאָרֶץ כִּי יְהוָה הוּא הָאֱלֹהִים אֵין עֹוד׃
8.61 וְהָיָה לְבַבְכֶם שָׁלֵם עִם יְהוָה אֱלֹהֵינוּ לָלֶכֶת בְּחֻקָּיו וְלִשְׁמֹר מִצְוֹתָיו כַּיֹּום הַזֶּה׃
8.62 וְהַמֶּלֶךְ וְכָל־יִשְׂרָאֵל עִמֹּו זֹבְחִים זֶבַח לִפְנֵי יְהוָה׃
8.63 וַיִּזְבַּח שְׁלֹמֹה אֵת זֶבַח הַשְּׁלָמִים אֲשֶׁר זָבַח לַיהוָה בָּקָר עֶשְׂרִים וּשְׁנַיִם אֶלֶף וְצֹאן מֵאָה וְעֶשְׂרִים אָלֶף וַיַּחְנְכוּ אֶת־בֵּית יְהוָה הַמֶּלֶךְ וְכָל־בְּנֵי יִשְׂרָאֵל׃
8.64 בַּיֹּום הַהוּא קִדַּשׁ הַמֶּלֶךְ אֶת־תֹּוךְ הֶחָצֵר אֲשֶׁר לִפְנֵי בֵית־יְהוָה כִּי־עָשָׂה שָׁם אֶת־הָעֹלָה וְאֶת־הַמִּנְחָה וְאֵת חֶלְבֵי הַשְּׁלָמִים כִּי־מִזְבַּח הַנְּחֹשֶׁת אֲשֶׁר לִפְנֵי יְהוָה קָטֹן מֵהָכִיל אֶת־הָעֹלָה וְאֶת־הַמִּנְחָה וְאֵת חֶלְבֵי הַשְּׁלָמִים׃
8.65 וַיַּעַשׂ שְׁלֹמֹה בָעֵת־הַהִיא ׀ אֶת־הֶחָג וְכָל־יִשְׂרָאֵל עִמֹּו קָהָל גָּדֹול מִלְּבֹוא חֲמָת ׀ עַד־נַחַל מִצְרַיִם לִפְנֵי יְהוָה אֱלֹהֵינוּ שִׁבְעַת יָמִים וְשִׁבְעַת יָמִים אַרְבָּעָה עָשָׂר יֹום׃
8.66 בַּיֹּום הַשְּׁמִינִי שִׁלַּח אֶת־הָעָם וַיְבָרֲכוּ אֶת־הַמֶּלֶךְ וַיֵּלְכוּ לְאָהֳלֵיהֶם שְׂמֵחִים וְטֹובֵי לֵב עַל כָּל־הַטֹּובָה אֲשֶׁר עָשָׂה יְהוָה לְדָוִד עַבְדֹּו וּלְיִשְׂרָאֵל עַמֹּו׃
8.1 Aaaz jaqHel xxlomoH Aaet-ziqnej jixraaAel Aaet-kaal-raaAxxej HamaTowt nxijAej HaaAaabowt libnej jixraaAel Aael-Hamaelaek xxlomoH jrwxxaalaaim lHaOalowt Aaet-Aarown brijt-jHwaaH meOijr daawid HijA cijown׃
8.2 wajiqaaHalw Aael-Hamaelaek xxlomoH kaal-Aijxx jixraaAel bjaerah HaaAetaanijm baehaag HwA Hahodaexx HaxxbijOij׃
8.3 wajaaboAw kol ziqnej jixraaAel wajixAw HakoHanijm Aaet-HaaAaarown׃
8.4 wajaOalw Aaet-Aarown jHwaaH wAaet-AoHael mowOed wAaet-kaal-klej Haqodaexx Aaxxaer baaAoHael wajaOalw Aotaam HakoHanijm wHalwijim׃
8.5 wHamaelaek xxlomoH wkaal-Oadat jixraaAel HanowOaadijm Oaalaajw Aitow lipnej HaaAaarown mzabhijm coAn wbaaqaar Aaxxaer loA-jisaaprw wloA jimaanw merob׃
8.6 wajaabiAw HakoHanijm Aaet-Aarown brijt-jHwaaH Aael-mqowmow Aael-dbijr Habajit Aael-qodaexx Haqaadaaxxijm Aael-tahat kanpej Hakrwbijm׃
8.7 kij Hakrwbijm porxijm knaapajim Aael-mqowm HaaAaarown wajaasokw Hakrubijm Oal-HaaAaarown wOal-badaajw milmaaOlaaH׃
8.8 wajaAarikw Habadijm wajeraaAw raaAxxej Habadijm min-Haqodaexx Oal-pnej Hadbijr wloA jeraaAw HahwcaaH wajiHjw xxaam Oad Hajowm HazaeH׃
8.9 Aejn baaAaarown raq xxnej luhowt HaaAabaanijm Aaxxaer Hiniha xxaam moxxaeH bhoreb Aaxxaer kaarat jHwaaH Oim-bnej jixraaAel bceAtaam meAaeraec micraajim׃
8.10 wajHij bceAt HakoHanijm min-Haqodaexx wHaeOaanaan maaleA Aaet-bejt jHwaaH׃
8.11 wloA-jaaklw HakoHanijm laOamod lxxaaret mipnej HaeOaanaan kij-maaleA kbowd-jHwaaH Aaet-bejt jHwaaH׃ p
8.12 Aaaz Aaamar xxlomoH jHwaaH Aaamar lixxkon baaOaraapael׃
8.13 baanoH baanijtij bejt zbul laak maakown lxxibtkaa Oowlaamijm׃
8.14 wajaseb Hamaelaek Aaet-paanaajw wajbaaraek Aet kaal-qHal jixraaAel wkaal-qHal jixraaAel Oomed׃
8.15 wajoAmaer baarwk jHwaaH AaeloHej jixraaAel Aaxxaer dibaer bpijw Aet daawid Aaabij wbjaadow mileA leAmor׃
8.16 min-Hajowm Aaxxaer HowceAtij Aaet-Oamij Aaet-jixraaAel mimicrajim loA-baahartij bOijr mikol xxibTej jixraaAel libnowt bajit liHjowt xxmij xxaam waaAaebhar bdaawid liHjowt Oal-Oamij jixraaAel׃
8.17 wajHij Oim-lbab daawid Aaabij libnowt bajit lxxem jHwaaH AaeloHej jixraaAel׃
8.18 wajoAmaer jHwaaH Aael-daawid Aaabij jaOan Aaxxaer HaajaaH Oim-lbaabkaa libnowt bajit lixxmij HaeTijbotaa kij HaajaaH Oim-lbaabaekaa׃
8.19 raq AataaH loA tibnaeH Habaajit kij Aim-binkaa HajoceA mehalaacaejkaa HwA-jibnaeH Habajit lixxmij׃
8.20 wajaaqaem jHwaaH Aaet-dbaarow Aaxxaer diber waaAaaqum tahat daawid Aaabij waaAexxeb Oal-kiseA jixraaAel kaAaxxaer dibaer jHwaaH waaAaebnaeH Habajit lxxem jHwaaH AaeloHej jixraaAel׃
8.21 waaAaaxim xxaam maaqowm laaAaarown Aaxxaer-xxaam brijt jHwaaH Aaxxaer kaarat Oim-Aabotejnw bHowcijAow Aotaam meAaeraec micraajim׃ s
8.22 wajaOamod xxlomoH lipnej mizbah jHwaaH naegaed kaal-qHal jixraaAel wajiprox kapaajw Haxxaamaajim׃
8.23 wajoAmar jHwaaH AaeloHej jixraaAel Aejn-kaamowkaa AaeloHijm baxxaamajim mimaOal wOal-HaaAaaraec mitaahat xxomer Habrijt wHahaesaed laOabaadaejkaa HaHolkijm lpaanaejkaa bkaal-libaam׃
8.24 Aaxxaer xxaamartaa lOabdkaa daawid Aaabij Aet Aaxxaer-dibartaa low watdaber bpijkaa wbjaadkaa mileAtaa kajowm HazaeH׃
8.25 wOataaH jHwaaH AaeloHej jixraaAel mor lOabdkaa daawid Aaabij Aet Aaxxaer dibartaa low leAmor loA-jikaaret lkaa Aijxx milpaanaj joxxeb Oal-kiseA jixraaAel raq Aim-jixxmrw baanaejkaa Aaet-darkaam laalaekaet lpaanaj kaAaxxaer Haalaktaa lpaanaaj׃
8.26 wOataaH AaeloHej jixraaAel jeAaamaen naaA [dbaaraejkaa k] (dbaarkaa q) Aaxxaer dibartaa lOabdkaa daawid Aaabij׃
8.27 kij HaAumnaam jexxeb AaeloHijm Oal-HaaAaaraec HineH Haxxaamajim wxxmej Haxxaamajim loA jkalklwkaa Aap kij-Habajit HazaeH Aaxxaer baanijtij׃
8.28 wpaanijtaa Aael-tpilat Oabdkaa wAael-thinaatow jHwaaH AaeloHaaj lixxmoOa Aael-HaarinaaH wAael-HatpilaaH Aaxxaer Oabdkaa mitpalel lpaanaejkaa Hajowm׃
8.29 liHjowt Oejnaekaa ptuhowt Aael-Habajit HazaeH lajlaaH waajowm Aael-Hamaaqowm Aaxxaer Aaamartaa jiHjaeH xxmij xxaam lixxmoOa Aael-HatpilaaH Aaxxaer jitpalel Oabdkaa Aael-Hamaaqowm HazaeH׃
8.30 wxxaamaOtaa Aael-thinat Oabdkaa wOamkaa jixraaAel Aaxxaer jitpallw Aael-Hamaaqowm HazaeH wAataaH tixxmaO Aael-mqowm xxibtkaa Aael-Haxxaamajim wxxaamaOtaa wsaalaahtaa׃
8.31 Aet Aaxxaer jaehaeTaaA Aijxx lreOeHw wnaaxxaaA-bow AaalaaH lHaAalotow wbaaA AaalaaH lipnej mizbahakaa babajit HazaeH׃
8.32 wAataaH tixxmaO Haxxaamajim wOaaxijtaa wxxaapaTtaa Aaet-Oabaadaejkaa lHarxxijOa raaxxaaO laatet darkow broAxxow wlHacdijq cadijq laataet low kcidqaatow׃ s
8.33 bHinaagep Oamkaa jixraaAel lipnej Aowjeb Aaxxaer jaehaeTAw-laak wxxaabw Aelaejkaa wHowdw Aaet-xxmaekaa wHitpallw wHithannw Aelaejkaa babajit HazaeH׃
8.34 wAataaH tixxmaO Haxxaamajim wsaalahtaa lhaTaAt Oamkaa jixraaAel waHaxxebotaam Aael-HaaAadaamaaH Aaxxaer naatataa laAabowtaam׃ s
8.35 bHeOaacer xxaamajim wloA-jiHjaeH maaTaar kij jaehaeTAw-laak wHitpallw Aael-Hamaaqowm HazaeH wHowdw Aaet-xxmaekaa wmehaTaaAtaam jxxwbwn kij taOanem׃
8.36 wAataaH tixxmaO Haxxaamajim wsaalahtaa lhaTaAt Oabaadaejkaa wOamkaa jixraaAel kij towrem Aaet-Hadaeraek HaTowbaaH Aaxxaer jelkw-baaH wnaatataaH maaTaar Oal-Aarckaa Aaxxaer-naatataaH lOamkaa lnahalaaH׃ s
8.37 raaOaab kij-jiHjaeH baaAaaraec daebaer kij-jiHjaeH xxidaapown jeraaqown AarbaeH haasijl kij jiHjaeH kij jaacar-low Aojbow bAaeraec xxOaaraajw kaal-naegaO kaal-mahalaaH׃
8.38 kaal-tpilaaH kaal-thinaaH Aaxxaer tiHjaeH lkaal-HaaAaadaam lkol Oamkaa jixraaAel Aaxxaer jedOwn Aijxx naegaO lbaabow wpaarax kapaajw Aael-Habajit HazaeH׃
8.39 wAataaH tixxmaO Haxxaamajim mkown xxibtaekaa wsaalahtaa wOaaxijtaa wnaatataa laaAijxx kkaal-draakaajw Aaxxaer tedaO Aaet-lbaabow kij-AataaH jaadaOtaa lbadkaa Aaet-lbab kaal-bnej HaaAaadaam׃
8.40 lmaOan jiraaAwkaa kaal-Hajaamijm Aaxxaer-Hem hajijm Oal-pnej HaaAadaamaaH Aaxxaer naatataaH laAabotejnw׃
8.41 wgam Aael-Hanaakrij Aaxxaer loA-meOamkaa jixraaAel HwA wbaaA meAaeraec rhowqaaH lmaOan xxmaekaa׃
8.42 kij jixxmOwn Aaet-xximkaa Hagaadowl wAaet-jaadkaa HahazaaqaaH wzroOakaa HanTwjaaH wbaaA wHitpalel Aael-Habajit HazaeH׃
8.43 AataaH tixxmaO Haxxaamajim mkown xxibtaekaa wOaaxijtaa kkol Aaxxaer-jiqraaA Aelaejkaa Hanaakrij lmaOan jedOwn kaal-Oamej HaaAaaraec Aaet-xxmaekaa ljirAaaH Aotkaa kOamkaa jixraaAel wlaadaOat kij-xximkaa niqraaA Oal-Habajit HazaeH Aaxxaer baanijtij׃
8.44 kij-jeceA Oamkaa lamilhaamaaH Oal-Aojbow badaeraek Aaxxaer tixxlaahem wHitpallw Aael-jHwaaH daeraek HaaOijr Aaxxaer baahartaa baaH wHabajit Aaxxaer-baanitij lixxmaekaa׃
8.45 wxxaamaOtaa Haxxaamajim Aaet-tpilaataam wAaet-thinaataam wOaaxijtaa mixxpaaTaam׃
8.46 kij jaehaeTAw-laak kij Aejn Aaadaam Aaxxaer loA-jaehaeTaaA wAaanaptaa baam wntataam lipnej Aowjeb wxxaabwm xxobejHaem Aael-Aaeraec HaaAowjeb rhowqaaH Aow qrowbaaH׃
8.47 wHexxijbw Aael-libaam baaAaaraec Aaxxaer nixxbw-xxaam wxxaabw wHithannw Aelaejkaa bAaeraec xxobejHaem leAmor haaTaaAnw wHaeOaewijnw raaxxaaOnw׃
8.48 wxxaabw Aelaejkaa bkaal-lbaabaam wbkaal-napxxaam bAaeraec AojbejHaem Aaxxaer-xxaabw Aotaam wHitpallw Aelaejkaa daeraek Aarcaam Aaxxaer naatataaH laAabowtaam HaaOijr Aaxxaer baahartaa wHabajit Aaxxaer- [baanijtaa k] (baanijtij q) lixxmaekaa׃
8.49 wxxaamaOtaa Haxxaamajim mkown xxibtkaa Aaet-tpilaataam wAaet-thinaataam wOaaxijtaa mixxpaaTaam׃
8.50 wsaalahtaa lOamkaa Aaxxaer haaTAw-laak wlkaal-pixxOejHaem Aaxxaer paaxxOw-baak wntataam lrahamijm lipnej xxobejHaem wrihamwm׃
8.51 kij-Oamkaa wnahalaatkaa Hem Aaxxaer HowceAtaa mimicrajim mitowk kwr Habarzael׃
8.52 liHjowt Oejnaejkaa ptuhowt Aael-thinat Oabdkaa wAael-thinat Oamkaa jixraaAel lixxmoOa AalejHaem bkol qaarAaam Aelaejkaa׃
8.53 kij-AataaH Hibdaltaam lkaa lnahalaaH mikol Oamej HaaAaaraec kaAaxxaer dibartaa bjad moxxaeH Oabdaekaa bHowcijAakaa Aaet-Aabotejnw mimicrajim Aadonaaj jHwiH׃ p
8.54 wajHij kkalowt xxlomoH lHitpalel Aael-jHwaaH Aet kaal-HatpilaaH wHathinaaH HazoAt qaam milipnej mizbah jHwaaH mikroOa Oal-birkaajw wkapaajw pruxowt Haxxaamaajim׃
8.55 wajaOmod wajbaaraek Aet kaal-qHal jixraaAel qowl gaadowl leAmor׃
8.56 baarwk jHwaaH Aaxxaer naatan mnwhaaH lOamow jixraaAel kkol Aaxxaer diber loA-naapal daabaar Aaehaad mikol dbaarow HaTowb Aaxxaer dibaer bjad moxxaeH Oabdow׃
8.57 jHij jHwaaH AaeloHejnw Oimaanw kaAaxxaer HaajaaH Oim-Aabotejnw Aal-jaOazbenw wAal-jiTxxenw׃
8.58 lHaTowt lbaabenw Aelaajw laalaekaet bkaal-draakaajw wlixxmor micwotaajw whuqaajw wmixxpaaTaajw Aaxxaer ciwaaH Aaet-Aabotejnw׃
8.59 wjiHjw dbaaraj AelaeH Aaxxaer Hithanantij lipnej jHwaaH qrobijm Aael-jHwaaH AaeloHejnw jowmaam waalaajlaaH laOaxowt mixxpaT Oabdow wmixxpaT Oamow jixraaAel dbar-jowm bjowmow׃
8.60 lmaOan daOat kaal-Oamej HaaAaaraec kij jHwaaH HwA HaaAaeloHijm Aejn Oowd׃
8.61 wHaajaaH lbabkaem xxaalem Oim jHwaaH AaeloHejnw laalaekaet bhuqaajw wlixxmor micwotaajw kajowm HazaeH׃
8.62 wHamaelaek wkaal-jixraaAel Oimow zobhijm zaebah lipnej jHwaaH׃
8.63 wajizbah xxlomoH Aet zaebah Haxxlaamijm Aaxxaer zaabah lajHwaaH baaqaar Oaexrijm wxxnajim Aaelaep wcoAn meAaaH wOaexrijm Aaalaep wajahnkw Aaet-bejt jHwaaH Hamaelaek wkaal-bnej jixraaAel׃
8.64 bajowm HaHwA qidaxx Hamaelaek Aaet-towk Haehaacer Aaxxaer lipnej bejt-jHwaaH kij-OaaxaaH xxaam Aaet-HaaOolaaH wAaet-HaminhaaH wAet haelbej Haxxlaamijm kij-mizbah Hanhoxxaet Aaxxaer lipnej jHwaaH qaaTon meHaakijl Aaet-HaaOolaaH wAaet-HaminhaaH wAet haelbej Haxxlaamijm׃
8.65 wajaOax xxlomoH baaOet-HaHijA Aaet-Haehaag wkaal-jixraaAel Oimow qaaHaal gaadowl milbowA hamaat Oad-nahal micrajim lipnej jHwaaH AaeloHejnw xxibOat jaamijm wxxibOat jaamijm AarbaaOaaH Oaaxaar jowm׃
8.66 bajowm Haxxmijnij xxilah Aaet-HaaOaam wajbaarakw Aaet-Hamaelaek wajelkw lAaaHaalejHaem xmehijm wTowbej leb Oal kaal-HaTowbaaH Aaxxaer OaaxaaH jHwaaH ldaawid Oabdow wljixraaAel Oamow׃